رئيس نادي الرجاء بودريقة يتحدث عن خبر أعتقاله
تحدث رئيس نادي الرجاء محمد بودريقة عن خبر أعتقاله، بعد نهائي كأس العرش الذي عرف بعد أحداث الغير اخلاقية بسبب أساءة جماهير النادي لناشيد الوطني حيث قال :
● خبر الاعتقال هو خبر كادب
●احدات مباراة نهضة بركان سببها ناس مندسين و جمهور راجا معروف
●كاين فكرة و نقاش حول توقيع الزرهوني حول التجديد
المدرب حدد لائحة اولية من اجل الموسم المقبل و هي لي غتلعب كاس العرب
●الا جددنا لزرهوني غادي يبقا خاصنا جناح و جوج ديال المهاجمين
●قبل بداية البطولة خاصنا 2 لعابة فكل بوسط و بمستوى متقارب
●جددنا لزنيتي لسنتين نقص من صالير و سمح فشي حاجة كيتسالها
●عدنا مروان فخر و زوبير و فظرف سنتين غادي يكون هو الحارس رقم 1
●حراسة المرمى هاد الموسم تقامت علينا ب 580 مليون و هاد العام غادي تكون بنصف
●عدنا اتفاق رسمي مع غايا فطرف اليومين المقبلين غادي يوقع
●المدرب كيعرف سمير و مورا توقف ديالو ف 6 اشهر بغا يشوف المستوى ديالو و كان قاليا كون موقفش كنت انقولك وقع ليه و غادي يكون تحت انظار اللجنة التقنية
الاجنبي لي عنجيبو خاص يجي و يكون رسمي و مخاصش الزربة
●المشاركة ديالنا فكاس العرب مغاديش تعطي الصورة الحقيقية للرجاء الموسم المقبل
●غادي تولي عندنا فان ايدي باش تشري التدكرة و تدخل للملعب
●حنا ديما دايرين بين عينينا التوازنات المالية سواء فالانتدابات او فالتسيير اليومي
●فحالة غلق مركب محمد الخامش غادي نلعبو فالعربي الزاولي
●عندني علاقة مزيانة مع محسن متولي انا طرحت الاسم ديالو على المدرب و هو لي عندو القرار
●بنجديدة وقع ف ستاندار دو لييج و قررنا يتم التسريح ديالو لانه غادي يتقاضى الموسم المقبل كبير جدا و كبير على الميزانية ديالنا
●لاعب دخل لوطيل قبل مباراة ديربي و قال للمدرب راه مقادرش يلعب و قلت للمدرب يخرجو من لوطيل
اللاعب لي مامستاعدش و مقادرش يعطي و منضابط غير يمشي فحالو
●الا كان شي لاعب كياكل مع شي فريق لخبز راه هو الراجا لعاب كيتخلص 180 مليون كيمشي لفريق اخر مكياخد تا النص
●المدرب محترف و جاي باش يعطي الاضافة و معقول كان كيتقاضا اكتر من 100 مليون فروسيا و مبغيش الفلوس و قاليا انه جا على قبل بروجي الرياضي
●ايت منا مند تولي ديالي لرئاسة و هو كيحتارم الرجاء
●سوكحان فسخ العقد و سمح ف 60 مليون
●الفحلي معندناش فالمخطط ديالنا
●الخصاص لي عندنا غادي يكونو اجانب معادا لاعب مهاجم الا متلقاش عرض على برا حنا فمنفاسة عليه
●ميهري عندو عروض على برا و نقدرو ندخلو عليه على الخط
●السيد فوزي لقجع يشجع الوداد و الرجاء و كون بغا بركان تشارك فكاس الكاف بقوة القانون نهار 30/6 كان يدير رسالة للكاف ولكن هو بغا يتلعب نصف النهائي و النهائي
●المستشهر الرسمي كان عندو معانا مشاكل بسبب المكتب السابق ولكن درنا معاهم لقاء فتركيا و تم تحيين داكشي
المنخرطين هم جزء مهم من منظومة الرجاء و كنشكروهم على المساعدات ديالهم.
صحفي رياضي مرموق في أنفو سبورت ، يتمتع بخبرة 15 عامًا في تغطية الأحداث الرياضية المحلية والدولية. متخصص في تحليل مباريات كرة القدم، ويقدم تقارير احترافية عن البطولات الدولية. تشمل مجالات خبرته تحليل المباريات وتقييم الأداء، ومتابعة انتقالات اللاعبين، وتغطية الدوريات الأوروبية الكبرى، وتحليل تكتيكات المدربين. وهو عضو في الاتحاد الدولي للصحافة الرياضية، وقد غطى العديد من البطولات الدولية والمحلية. يُعرف بتحليلاته المعمقة ودقتها في تحليل المباريات والأحداث الرياضية.
